Information & Public Relations department leh Mizoram Art Development Society (MADS) tangkawp buatsaih MADS Annual Art Workshop chu nimin khan Aizawl Art Gallery-ah I&PR director C. Lalnunkima’n a hawng.
I&PR director chuan lemziak mite chu mi bik, mi zawng zawngin an tih theihloh rohlu nei an nih inhriaa, an thiamnate midang tana hmang tangkai turin a chah a. Thahnem ngai taka thawkrim tura chahin, hmasawnna chhar chhuak thei ngei tura tan la tur leh mahni kut kea dinga eizawnna atana hman tlaka inchherchhuak tura a duh thu a sawi bawk.
MADS Annual Art Workshop hian tun thla ni 17 thleng a awh dawn a, mi 58 an tel a ni.