Kumin 2022 chu Kohhran ṭhalai pawl lian K|P inkhawmpui kum a ni a. Kan hriat angin thuchah sawitu Pastor pension, Revd. Chua\huama thu leh hla khelzui a hlawh hle a. Sawi mai hi chu kan thei tlâng bawk a, a ni pawh hian a sawi tam narawh e. Kohhran huang chhunga sawi a ni bawk a, zalen takin Kohhran platform a\angin a aû dup dup mai a nih kha. Kohhran hruaitute hi kan zah a, an thu leh hla pawh kan ngaichang thiam viau a. Politician te demna leh fel lohna sawi chiam tur hian an felfai bik em aw? tih hi ka zawhna a ni.
Tihian sawi ta ila, MNF sorkar lai khan MIP board kha an din a. Chutah chuan Pastor pakhat member-ah a tel ve a. Mipui lam chuan, chutia Pastor meuh member ni ve ta chu tiin beiseina sâng tak nen kan lo thlir a. Mahse, an hnu khar dan erawh a Pastor ber pawh chhuanawmloh takin an zuzi chu a ni der a. Congress hunlai khan, MLA te lo monitor tur committee an din a, chu chu Ethics Committee tih a nih kha. Chu committee ah chuan a hnarkaituah Pastor hming\ha pangngai pawh a tel a. Kan lo beisei sang leh viau a, heti a nih chuan kan MLA ho chu an che nawi ngam lovang kan ti a. Mahse, Ethics committee khan eng rah mah a chhuah pawhin kan hre ta lo a ni ber e.
Tuna MNF sorkar pawhin an term bul\an chho khan, \awng\ai committee lam hawi an din a. Hetah pawh hian Pastor te pawh \awng\ai khawlah an tel a. Mipui kan lawm a, heti hi chuan MLA rual ho pawh an felfai ngei ang kan ti a, mahse an \awng\ai fuh lo nge engteh ual chu kan ang lo a nih hi.
Sorkar hian Kohhran a Ordained rawngbawltute hi hmaiphih nan an hmang a, chanvo pawimawh awm tak tak an pe a. Chu chu kan Kohhran hruaitute lam hian an hnar phal si lova, a buaithlak a nih hi. Pastor \anglai pawh an thlemthlu a MPSC chairman nihna an pe a. Pastor \ha tak khan a rawngbawlna a tlâwmsan deuh der chu a nih kha. Kohhran mite rilru a nâ hle a nih kha. Chuvangin, heng thil tlemte chauh pawh chhuikir hian; Pastor Chuaua hian Sorkar a sâwr fe viau laiin, heti zawng hian ngaihtuahna a awm.
Kohhran platform a\anga Politician te sawisawp chu kan lo ngaisang nge a sawitu pawh kan fak hle a. Kohhrana tlaktlum duh tan phei chuan, Pastor Chuaua thusawi chu like nawn âwn awn nuam kan ti, a chhan chu Politician te a nuai chiam vang a ni ber. Chutihlaiin, tun\um Mizoram Synod hnuaia Theological Education Board (T.E.B )-in Kraws Crusade, Dawrpui Kohhran Biak In-a a buatsaih kha a ropui hle a. Thuchah sawitute kamchhuak a nâ thei \hak \hak khawp mai.
- Tual Upa R. Lallungmuana, Synod Revival Speaker, kamchhuak :
“….. Zoram hian zu leh drugs ngawlveite testimony kaltlang hian harhna kan chang zing tawh, tunah chuan Kohhran hruaitu corrupt te testimony mipuiin kan ngaithla duh tawh. Camping siam dawn a campers tur zawng khawmtute testimony kan ngaithla duh tawh…”
- Upa PC. Lalhmachhuana, Synod Revival Speaker, kamchhuak : “…. Kohhran tin kan chak lohna hnâr i hre duh em? Khawvel tana khenbeh loh rawngbawltu kan tam êm a ni. Khawvel tana khenbeh \halh Upa, Pastor, rawngbawltu ni ila. … Khenbeh loh chanvo duh, Kohhrana lal hrawt duh kan tam êm a ni. Tisa miten Kohhran min awp hlum zo a ni.. “
Politician te chaklohna kan sawi vâwng a, kan dem rawn luai luai a. Nâ taka kap ngam te chu kan ngaisang a, an demna thu chu kan pawmpui hle. Mahse, Politician verther te kamkhat tu pawh inbihchian chu a lo ngai ve tho mai. Politician te ar chuk tuilo khawpa kan chhuahna platform Kohhran chu siam\hat a lo \ul ve hle si a. Kan ram hi zawng a buaithlak vel vek a nih hi.