Sacramental Wine kawl sa an neih tam tawh loh avangin Baptist Church of Mizoram (BCM) an mangang \an a, thla hnih thum daih vel bak an kawl tawh lo.
Mizoram sorkarin zu khapna dan a hman turah wine chu thlah zalen phal loh tura tih a nih tak avangin Hnahlan leh Champhai-a grape chingtu ten an thar a\anga an siam wine hralh leh zawrh lamah an ip rih a. Hei vang hian sacrament atana an grape wine siam hmangtu BCM an mangang \an a, Sacramental Wine kawl nei tam tawh lovin tunah hian thla hnih thum daih vel tur chauh an kawl tawh nia thu dawn a ni.
Hnahlan/Champhai Grape Growers Society leh BCM te hi Sacramental Wine chungchangah indawrin inremna thuthlung fel tak neiin, kum hnih chhung zel atan inremna thuthlung an ziak \hin a. Tunah hian an inremna thuthlung kalpui mek hun chhung a tawp hnaih avangin a thara indawra inremna thuthlung ziak thar leh a hun hnai tawh nia sawi a ni.
Grape Growers Society-ten grapewine pangngai an siam chhuah bakah hian sacrament bik tur hi an um tel tho \hin a, sorkarin a khap tak avang hian society lam chauh ni lovin BCM lam pawhin harsatna an tawk \an ta a. Sacramental Wine tur hi tualchhung kohhran lamin lak khawl sate pawh nei ve bawk mahse, Baptisma leh kohhran hun bik dang dangah sacrament ruai \hehna tur a awm chhoh nual dawn avangin, tuna an kawl sa chu engtham a ni tawh loh thu te, sorkarin a khap zel chuan harsatna a awm tur thu leh Kohhran serh leh sang zinga mi, scarament chu tihtawp mai theih a nih loh avangin hemi chungchang hi grape chingtute nen pawh an sawiho tawh thu te thudawnna chuan a sawi.
Sacramental Wine chungchangah Hnahlan leh Champhai Grape Growers Society te siam loh chu hmang thei lo ang leh kawng dang hawi thei tawh lo tur anga sawi thawm awmah, kohhran ang chuan engmah thutlukna an la neih loh thu leh society-te nen indawrna a la kal reng thu dawn a ni a. Sorkarin a phal lo zui reng a nih pawhin sacrament chu tawp mai thei a nih loh avangin kawng dang an dap ve mai a \ul dawn niin thudawnna chuan a sawi.
Hetih lai hian Grape Growers Society leh BCM te hian Sacramental Wine chungchanga inremna thuthlung an ziah, a kal zel theihna tur a
hma la tur leh ‘aw’ nei turin sorkar an ngen.
Grape Growers Society-ten tunah hian winery-ah tanky 30 awmin, chung zingah tanky nga emaw chauh ruak a awm a, kuminah tanky 20 vel thar theih an inbeisei a. Hengte vang hian tuna tanky-a grape tui sawr sate chu tihral a nih loh chuan grape rah lei kawngah harsatna an tawk dawn nia sawi a ni bawk