MPCC President Pu Lalsawta’n \hat loh theih lohna bawm a siam chhungah hian \ha reng reng ngai lo turten Lalna leh thuneihna an chan thu hi Zoram mipuiten kan hriat chian theih nan a ruh langin i sawi teh ang.
|ha ngai lo tur lalna leh thuneihna chelh tlat Pu Lalsawtan a ngam ngai loh leh a la ngam chuan loh tur mi pathumte chu.
- Pu Lalthanzara: Ani hi Pu Lalthanhawla nau Congress Party-ah nihna pawimawh a chelh hma, Zarkawt Congress member pakhat a nih lai khan a u Chief Minister tluk deuhthawa sorkarah thuneihna leh thiltihtheihna nei a ni a. Congress sorkara Minster junior leh party hotu tam takte tlawn rawn a lo ni daih tawh a, PWD hna sem leh sorkar hnathawk transfer thuah pawh Patea biak \hat hi a pawimawhin a \angkai ber fo.
Eirukna hi tih bo kan tum tak tak a nih chuan Pu Hawla te unau leh an sangawizawnpui (politician) te hi mipuiin kan hnawl hlen a \ul tak meuh a ni. Hausa chhungkua a\anga lo seilian an ni lova, Mizoram sorkara thuneihna (Chief Minister) an nih avanga India khawpui lian hrang hranga in ropui tak tak an neih thlehthluah theihna chhan hi Zoram mipui chan ai tur an chheprelh vang a ni tih sawi nawn fo tur a ni.
- Pu Zodintluanga: Ani hi Lunglei pa awm thei Pu Rothangpuia (RTP) fapa a ni a, Pu Hawla fapa nupui nu\apa a ni. Pa hawihhawm leh fel tak a ni. Amah hi hausa tawk tak ni mah sela sum lamah chuan duh tawk nei hauh lo Pu Lalthanhawla ke bula seilian a nih avangin Mizoram mipui sum enkawl nawn tur chuan thuneihna pek nawn miah loh tur zinga mi a ni.
Pu Sawta’n \ha bawm a siamin awmzia a neih loh tur zia kan sawi lawk tichiang em emtu tun hnaiah kan hmu a, chu chu Mara District Council inthlan khan a ni. Pu Lalsawta hoa Congress PAC \hu khawm chuan MDCC-ah MNF emaw BJP emaw sorkarna siampui miah loh tur tih an pass hnuah Pu Zodintluanga leh Pu Hiato te chuan MNF MDC te sorkarna an siampui ngat ngam a, vawiin thleng hian Pu Sawta te hian action an lak hriat tur a awm lo.
- Pu Lalthanhawla: Lalna leh thuneihna kham thei lo Pu Hawla hian a \hat vanglai leh India ram puma Congress thil tih theih leh vanglaia Central-in dinhmun pawimawh an pek duh loh hnu leh Congress Party chhiat vawrtawp leh a tar chak loh hnuah CWC member-a an dah chu hnial phal lovin MPCC hi a naute pahnih kut kea hmangin thuneitu ber a la ni ta zel a ni. Chuvangin heng mi pathumte hi thluaka pawisa lut an tihte zinga mi an ni tih i theihnghilh ngai miah lovang u.
Pu Lalsawta, MPCC President: Mizoram Politik khel zingah Pu Lalsawta anga chanchin mawi leh \ha nei an tam lo hlein ka hria. Sorkar hna a thawh lai pawhin chanchin \ha lo leh sawiselna tur awm lo, vawiin thleng pawh hian kan ram \hanmawh bawk eiruknaah sawisel tur hria kan la awm awm lo va, sorkar officer lian ni tawhin MLA leh Minister kum eng emaw zat a nih hnu pawhin a in leh lo a danglam (ropui nasa) ve lo va, huan leh picnic spot etc… a neih phah ve lo va, motor changkang a nei bawk lo. Ani ang hi Zofa Minister leh MLA zingah Pu J. Lalsangzuala (L) kha kan neih awmchhun an ni mai awm e.
Hetiang mi \ha pahnih Congress Party-in nei mah se hotu lu ber a \hat loh avangin kum sawmhnih chuang ro an rel hnuah pawh mipui kan la mangang a nih hi. Pu Lalsawtan Congress party a rawn zawm a\ang khan kan mi \angkai leh min pui ber a ni nghal a, party chhung leh kan hotupa a belhchian hnu khan a mangang ve em em a, hruaitu senior ten \ha ena an en liam mai mai \hin chu en liam harsa tiin, “Heti ringawt chuan,” a ti a ti \hin a. A tawpah chuan Riakmaw iangin MNF party a va bel ta a. Mi \ha leh ram vei mi na na na chu MLA Candidate-ah lutin thlan tlin pawh a ni a, MNF MLA a nih lai ni 28 March, 2003-ah MNF Party buatsaihin Aizawl khawpuiah kawngzawhna an nei a, Pu Lalsawta pawh thusawitu pakhat niin Pu Lalthanhawla a sawi chhan tih hriat takin hetiang hian thu a sawi a, “MNF sorkar a lo din hun chuan miretheite chan ai sum eiruk vanga kawngzawh a awm tawh lovang a, hmeithai retheite vote leina tura NLUP hman a ni tawh lovang. MNF Minister-te chu mipui chunga leng lovin an zingah an cheng ang a, an tan an thawk tawh zawk ang,’ tih Rawtawi haka thi bang mipui pungkhawm hmaah ka sawi a nih hi,” tiin.
MNF Party pawh chu awm rengna tlakah ngai lovin Pu Zoramthanga, MNF President pawh Pu Lalthanhawla aia belhchian dawl lo leh rintlak lohah ngaiin MNF Party hi a chawlhsan leh ta ni.
Kum 1998-a MPCC party tho leh theia mawi lo khawpa a tlak chhiat lai khan a lalna leh thuneihna tura kawng dap thiam Pu Hawla chuan a Vice President Pu Saikap\hianga nen Pute – F. Lalremsiama, Liansailova, M. Lalmanzuala, RD Sangkhuma leh Lalsawta te chu vawi eng emaw zat lenchilhin ‘Congress party-a lut tur leh an duhna ber bialah ding vek tur leh an sorkar chuan Cabinet Minister-a an awm vek tur thu an tiam a, chu bakah ram enkawlna atana \ul leh \ha an tih ang apiang angin an kal ang tih an intiam bawk a, chu chu \haa ngaiin Congress Party-ah luh an remti tlang ta a. Mahse, Pu RD Sangkhuma (L), Ex-MLA chuan, “Pu Hawla hi ka ring ve thei lo, kei chu ka lut lovang,” a ti a, a lut ta lo a. Mi dang zawng chu ni 25 February, 2002 khan Vanapa Hall-ah ropui takin an lawm lut ta a, hemi hnu hian an vaiin Lunglei Saikuti Hall-ah lawm luhna an nei nawn leh a, Baptist Kohhran hotupa an tih mai, Rev. SH. Luaian hunserh hmangin, boruak an sian lian thiam hle.
Phur taka ke an pen lai chuan Pu Manzuala chuan Pu Lalthanhawla te chuan an bum mai mai a ni tih hriain thla ruk hnuah Congress Party chu a bansan leh ta a, Pu FLR Siama pawn banna theh lut hman lovin zawi zawiin Congress Party chu a tawlh liam san ta bawk a. Pu Lalsawta leh Pu Liansailova te chu dawhthei taka awmin inthlannaah pawh candidate niin an tlin mai bakah Cabinet Minister an ni ve ve a, thuneihna erawh chu an nei lo hle, sawi vek sen a ni lo va, Pu Sawta bik pakhat sawi lang ta ila.
Pu Lalsawta hi Finance Minister a ni a, mi tinin chhiah kan chawi lai leh mi rethei tu mah chhiah awl an nih loh laiin AFC-in nuai 126 chhiah awl an dil pawh a phal lo va, mahse, a ngam loh Pu Lalthanzara MFA President leh Pu Zodintluanga, Sport Minister ten awltir an duh avangin a awltir ta nghe nghe a ni.
Kan sawi tawh ang khan Pu Sawta hian MPCC President nih leh Chief Ministerial Candidate nih ve hi a thlahlel hrim hrim a nih loh chuan a ding leh veia awm a Vice President leh a Treasurer te hi mi danga a thlak ngam a ngai. A thlak lo a nih chuan \hat loh theih lohna bawm a siam hi Zoram mipui tan rin ngam tur a ni lo.