HDFC Bank-in an Corporate Social Responsibility (CSR) fund atangin Civil Hospital, Lungleia hman tur medical hmanraw chi hrang hrang an pe.
Bungraw inhlannaah hian Lunglei Bawrhsap Kulothungan chuan HDFC Bank-in Lunglei Civil Hospital tihchangtlunna tura hnathawhna tur hmanrua an pe chu damdawi in-a thawk te chauh ni lo, mipui tan a nih thu a sawi a. Lunglei district hmasawnna kawngah pawh HDFC Bank nen thawhhona tha an neih chhunzawm zel a duh thu leh CSR hmanga Lunglei Civil Hospital Laboratory changtlung zawka siamna tur pawh hmalak mek a nih thu a sawi bawk.
Medical Superintendent Dr. SR. Ngurchamliana’n lawmthu a sawi rualin, Civil Hospital Lunglei chanchin tlangpui a sawi a. Kum 1900-ah khum 10 neia bultan a nih thu leh tunah khum 162 a awm thu sawiin, khum 28 chu Covid19 vanga damlote enkawlna tura tih a nih thu a sawi.
HDFC Bank-in Civil Hospital, Lunglei hnena an thilpek te hi – Motorised ICU Bed – 5, Multi Para Monitor – 5, Suction Machine – 5, BiPAP Machine – 5, CPAP Machine – 5, Ventilator – 2, bak ah Median Transport Ventilator – 3 te an ni.