Meghalaya ram chhung hmun thenkhata ruah sur leh tuilianin National Highway a tih chhiat avangin Mizoramah tuialhthei lakluh a khaihlak palh hlauhthawnna awmin, sorkar-in petrol leh diesel hralh chhuah theih zat bituk mah se Mizorama Filling Station hrang hrangin tuialhthei khawlkhawm sa an ngah thawkhat a, mipui tan chiaina tur a awm lo.
Meghalaya ruah sur nasa avangin Ningani zing khan Lumshnong-a National Highway chu lirthei kal tlang theih lohin a chhia a, he kawngpui hi Mizoram mamawhte chawkluhna kawng pawimawih a ni. Hemi avang hian tuialhthei chawk luh a khaihlak rinna mipuiah awmin, Ningani tlai atangin khan Aizawl leh hmun danga Filling station-ah tuialhthei lak luh intlar an thahnem hle.
Mizoram sorkar pawhin tuialhthei chawk luh hi a khaihlak theih avangin nimin atang khan Filling Station te’n Petrol leh Diesel an hralh chhuah theih zat a bi tuk nghal.