Gauhati High Court Judge, Lunglei Judicial district portfolio Judge ni bawk Justice Nelson Sailo-in Inrinni khan Lunglei District Court tlawhin, district thuneitute a kawm.
Lunglei Judicial district chhungah district pali – Lunglei, Siaha, Lawngtlai, leh Hnahthial te awmin, Justice Nelson Sailo hian District Court Lunglei hmunhma leh a tihchangtlung theih dan turte bakah case awm mek te a endik a. District Legal Services Authority leh Juvenile Justice Board hnathawh te pawh endikin, District Court rama hmalak dan tur a en bawk.
Justice Nelson Sailo chuan Lunglei, Siaha, Lawngtlai leh Hnahthial Bawrhsap te, SP te, Asst. Commissioner of Excise & Narcotics deptt. leh Jail Superintendent te pawh dan kenkawh kawnga hnathawh dante leh jail tihchangtlun dan tur te a sawipui a. Court case chak zawka kalpui a nih theih nan thawhhona tha a pawimawh thu a sawi.
Court hmunhma tihchangtlun hnathawktu Contractor te leh bialtu engineer te leh Lunglei Judicial district chhunga Judicial officer te a kawm bawk.