Premier League club hausa Newcastle United chuan Netherlands Under-21s defender Sven Botman lalut turin Lille nen inremna an nei.
Eddie Howe-a enkawl team hian January thla khan kum 22 mi hi lakluh an lo tum tawh a. Tun nipuiah Italy champion AC Milan nen an inchuh nasa hle.
French club nen hian a manah hian Pound maktaduai 30 velin an inrem a, an inrem dan tak erawh puanzar a la ni lo.
Magpies hian an lalut fel a nih chuan nikum November thla a Howe an lakluh tawh hnuah an tlarhnung thuamtha turin position tinah sum an seng tawh tihna a ni ang.
January thla khan England full-back Kieran Trippier leh Brighton centre-back Dan Burn a lalut tawh a, left-back Matt Targett chu tun nipuiah a nghetin an lalut tawh a. England goalkeeper Nick Pope pawhin a zawm tawh.