Assam khawpui, Guwajati-a Pandu Ghat-ah zirlai naupang pali chu Pathianni khan Brahmaputra luiah an tla a, zawn mek an ni.
Tual chhung mite chuan zirlai naupangte bak hi lui kamah chawhnu dar 2:00 velah an hmuh thu an sawi.
Chawhma lama tuition class an kal haw lam chu inchiah dai turin Brahmaputra-ah hian an cheng niin an sawi bawk a. He chanchin ziah lai thleng hian an hnuhma hmuh tur a la awm lo.
State Disaster Response Force (SDRF) leh National Disaster Response Force (NDRF)-ten a zawn hna ngawrh takin an thawk mek.
Police chuan Dayal Sheikh, Abinash Das, Jit Das leh Dip Sarkar an ni tih an sawi.
Class 10 zirlai vek an ni a. An bak leh pheikhawk vel bak hmuh an la nei lo.