Manchester City chuan England midfielder Kalvin Phillips chu Leeds United atanga lalut turin Pound maktaduai 45 in inremna an nei.
Premier League champion hian kum 26 mi lalut tur hian Pound maktaduai 42 an pe phawt anga, a hnuah Pound maktaduai 3 an pek belh leh ang.
City hian tun nipuiah midfielder rinrawl Fernandinho chu an chhuahtir avangin Phillips hi player an ngaihven tur zingah an dah pawimawh hle.
Leeds United chherchhuah Phillips hian kum 2015 khan first team tan khel tanin an tan vawi 214 a inkhel tawh.
City hnenah hian kum 2027 thleng contract a ziak anga, July 1-ah a club thar hi a zawm ang.
Pep Guardiola squad-ah Rodri nen khelhna hmun inchuh tur an ni a, City in tun nipui a player langsar an lakluh pahnihna a ni.
Hetihlai hian an forward Gabriel Jesus chu Arsenal nen sawizawm an ni zel a. City midfielder Darko Gyabi chuan Leeds United hi a zawm ve bawk.