Aizawl : Aizawl dist-a hmasawnna hnathawh hrang hrangin environment a tihchhiat tur ven kawnga hmalatu tur Aizawl dist monitoring committee chu kar kalta Zirtawpni khan an chairman, Aizawl Bawrhsap Dr Lalhriatzuali Ralte hovin an thukhawm a. NHIDCL-in kawng siam hna an thawh mek NH 54 Aizawl – Tuipang road leh NH 06 Seling – Zokhawthar tea Aizawl dist china an hnathawh te enfiah ni se, an ti.
Sorkar thuchhuahin a tarlan danin NHIDCL-in NH 54 Aizawl - Tupiang road-a Aizawl dist chinah Forest clearance nei tawhin hna an thawk mek a. NH 06 Seling - Zokhawthar erawh Forest clearance dil mek a ni chungin kawng siam hna engemawchen an thawk lawk a, NHIDCL-in hna an thawh lawknaa leivung paih dan mumalloh avangin a chhehvel nasa taka tihchhiat chu Aizawl distr monitoring committee chuan a rang lama enho an tum a ni.
Tun thla ni 2 khan DFO Aizawl, Monitoring committee-a secretary ni bawk Laltlanhlua Zathang chuan NHIDCL hnenah Forest clearance nei lova an hnathawh chu chawl turin thu a pe tawh niin sorkar thuchhuah chuan a tarlang bawk.