Meghalaya-a mi, hmeichhe naupang pahnih, ruk bo ni ngeia hriatte chu an state thenawm, Assam atangin chhan chhuah an ni.
Hmeichhe naupangte hi East Jaintia Hills district, Meghalaya-a mite an ni.
Assam-a Cachar district-ah, Kalain khua atanga chhanchhuah an ni.
A ru botu nia puh mi pahnih man nghal an ni bawk tih thuneitute chuan an sawi.
Meghalaya police chuan hmeichhe naupang bote hi an hnu an chhui char char hnuah Assam an luhpui nia hriain Assam police nen hian tang dunin an umzui ta zel a ni.
An mi man pahnih hi Saydul Islam leh Raju an ni tih an sawi a, thu an zawt fiah mek zel.
Police hian an pahnih hian heng hmeichhe naupangte an kawm nel phawt a, ru bo niin an hria a. Hralh lehchhawn atana ti nia an ngaih thu an sawi bawk.
Hmeichhe naupang pahnih hi an chenna, East Jaintia Hills-ah police chuan an hruai haw leh tawh a. Child Welfare Committee (CWC) kutah an hlan phawt a, bawhzui ngaite an bawhzui zel dawn tih an sawi.