Hollywood star lar tak ni thin Sharon Stone chuan nau vawi kaw a chhiat tawh thu leh nauchhiat hi a ruka a paitu Nu chauh tawh tur a nih bik loh thu a sawi.
Kum 64 mi leh lemchan khawvel nasa taka barakhaihtu ‘Basic Instinct’ filmstar ni bawk hian, “Hmeichhia te hi nau an chhiat hian a ruktea an mahni tawrh tawlk tlawk tur leh hlawhchhamna rilru puttir ngei tur ni awma kalpui leh sawi a awm thin a vanduaithlak hle.
“Heti ang dinhmun hrehawm leh harsa takah hian hmeichhiate’n duat lehzual an mamawh a, lainatna, hritthiamna leh damna an mamawh ngawih ngawih a ni,” a ti bawk.
Instagram-ah a thuziah ah hian, “Heti anga hun tawngtawh hmeichhiate tan platform siamsak an ni ngai lova, an rilru-a awm leh an ngaihtuahna sawichhuak tur paw’n remchanna siamsak an ni ngai lo. Hei hi thil te tham a ni lo. Hriatthiampui a, tawrhpui a, ngaihsakna lantir lehzual hun lai tak a ni,” a ti.