United States goalkeeper Matt Turner chuan Premier League club Arsenal a zawm fel a. Kum 28 mi hian Major League Soccer team New England Revolution atangin a club thar hi a zawm.
New England tana kum ruk chhunga vawi 102 khel Turner insawnna tur hi February thla khan tihfel vek a ni tawh a. New England in CONCACAF Champions League an khelh tura a tel ve theih nan June a insawn tura tih a ni.
“Naupang ka nih laiin Arsenal inkhel ka en fova, an football khelhdan hian min ti ngaina zual. An tana inkhelh hi suangtuahna hla tak nimahsela ka duhthusam a ni thin a, tunah an kawr ka ha dawn a, ka duhthusam chu a tak a chang dawn.” tiin Turner chuan a sawi.
Kum 2020 khan Turner hi New England-ah fans leh player-ten a hranpa in an Most Valuable Player-ah an thlang ve ve a. MLS All-Star Game a khel tura thlan a ni bawk.
United States tan vawi 18 a inkhel tawh a, World Cup an khelhna tura mi tangkai zingah a tel.