Premier League a kaithar Fulham chuan Manchester United a khel Brazilian midfielder Andreas Pereira chu Euro maktaduai 10 a lakluh tumin Old Trafford club an dawr.
Kum 26 mi hi kum 2011 khan kum 15 mi a nihin United in an lalut a, kum 2014 atangin first team tan a inkhel tan a, an hnena a cham chhungin match 75 a khel hman.
United first team-ah hmun nghet a insiam hleih theih loh avangin loan a chhuah tir a ni thin a, season liamta kha loan a a chhuah tum li na niin Brazilian club Flamengo a zawm a, a che tha hle.
Flamengo tan hian vawi 49 inkhelin goal 6 a khung a, muallai luahlumtu niin 2021 Copa Libertadores an luhna kawnga mi pawimawh a ni.
United-ah hian kum 2023 thleng contract a nei a, kum khat ziah belh theihna nei mahse club lamin chhuah an phal niin a lang a. Valencia, Granada leh Lazio tan pawh a khel tawh.