Green Day zaipu Billie Joe Armstrong chuan tunhnaia US supreme court thutlukna a duh lohzia lantir nan American khua leh tui a nihna chu a bansan, tih a puang.
London khawpuia ‘Hella Mega tour’ an neih mekah Joe chuanm “F**K America. Khua leh tui ka nihna ka bansan ta tih ka puang a, hetah hian ka lo tla lut ang,” tiin ring leng lawngin concert neih laklawh laiin a puangchhuak.
“Chhuanlam dawrawm tak nena hnung tawlh zawnga kan khawvel a her let let mup mup mai hi a zial lo lulai lutuk. Ka fiamthu lo a nia. Thil tam tak kan la tawng chho mawlh mawlh dawn te pawh a ang e.. ” a ti bawk.
Joe hi lemchan leh rimawi khawvela milar tak takt ang bawkin 1973 daih tawha Roe V Wade an tih mai, America ram chhunga mahni duhthu ngeia him taka nau tihtlak theihna dan chu hman a remchang tawh dawn lo a ni.
Kum 50 chhunga a vawikhatna ni turin nau tihtlak hi US-ah khuan federal rights hnuaiah humhim a ni dawn ta lova, state tin te’n khuahkhirh emaw phal loh bur dan an kalpui a ngai dawn ta, tihna a ni bawk. Ngaihdan a inpersan nasa mek.