An state-a sorkar a nghin mek laiin Maharashtra Deputy Chief Minister Ajit Pawar chuan Thawhtanni khan coronavirus a kai ve thu a sawi.
“Coronavirus ka test a, ka lo kai ve a. Ka tha a, doctor-te nen kan inrawn reng a, hneh thuaiin ka hna ka zawm leh vat ka beisei. Tun hnaia min hnaihte chu lo inendik turin ka ngen a ni,” tiin finance ministry changtu, Pawar chuan Twitter-ah a tar lang.
Kum 62 mi, NCP hruaitu hi Shiv Sena kaihhruai Maha Vikas Aghadi (MVA) sorkara a pawimawh ber pawl a ni a, October, 2020 khan a vawi khat nan hri hi kaiin tunah a kai leh a ni.
Kar hmasa khan Chief Minister Uddhav Thackeray leh Governor Bhagat Singh Koshyari te pawhin an lo kai tawh.