Prime Minister Narendra Modi chuan Thawhtanni khan Germany-a G7 summit-ah United States President Joe Biden, Canadian Prime Minister Justin Trudeau leh French President Emmanuel Macron te a hmu.
Modi-a hi G7 summit-a tel tura a kal hi German Chancellor Olaf Scholz chuan a lo dawngsawng a ni.
US thuneitu sang pakhat chuan mipui rorelna ram lian, Group of Seven (G7)-te chuan thawhhona lian leh awmze nei zawk siamin, Russia-in Ukraine a do mek-ah an tuialhtheite na zawka hrek dan tur a duang dawn niin a sawi.
Pathianni khan Modi-a hian Argentinian President Alberto Fernandez chu G7 summit neihnaah hian a lo kawm tawh a, ram pahnih inthian thatnate sawiin zau zawka inkawmngeih dan turte an sawi dun.
Tun hi hmaichhana ram pahnih hruaitute an inbiak vawi khatna a ni nghe nghe.
An inbiaknaah hian thil hrang hrang - sumdawnna leh investment, ram venhimnaa thawhhona, lo neih lam, sik leh sa inthlak zela hmalak dan tur leh ei leh in lam chhek chungchangte an sawi dun a ni.
“President Fernandez-a nen Munich-ah hlawk takin India-Argentina inthian thatna thil tam tak, ram mipuite chhawr theih tur thil hrang hrang kan sawi dun,” tiin Modi-ah hian Twitter-ah a tar lang nghe nghe.