World Taekwondo Federation remtihna in ni June ni 23 atanga 25 chhung khan MATA Hall Republic Vengthlangah Taekwondo Black Belt Exam buatsaih a ni a. Mizoram hmun hrang hrang atangin zirlai 50 in black belt nih tum leh Degree sang zawk neih tumin an bei a. Mi 46 in ten tha takin exam hi an paltlang.
Exam paltlang zingah hian 1st Dan exam 38 awmin 2nd Dan exam pariat leh 3rd Dan exam mi pahnihte an ni.
Black belt exam-na hi chi hnih - theory leh practical a then a ni a. Physical fitness, hand & leg technique, poomsae, board breaking, brick breaking, self-defence, sparring bakah personal interview te an exam a ni.
Exam hmachhawn zawng zawng zingah a pumpui a ti tha ber chu H.Vanlalfela, Armed Veng niin Mark 100-ah 96 a hmu a. Ist Dan zinga ti tha ber chu Vanlalthlamuanpuii Chaltlang niin mark 100-ah 77 a hmu bawk.
Exam hi Federation in phalna a pek angin 5th Dan Black belt pahnih Master VL Sawma leh Master Joseph Thansanga ten an endik.