Hranghlui band lar KISS an che chhe viau mai a, nuihzatbura leh kahrawn niiin, tunhnaia Austria khawpui Vienna-a concert an neihah Australian flag hualkhunga band logo an phochhuak ta mai chuan umzui a hlawh.
Winer Stadhalle hmuna concert ngan tak an neihah KISS hian stage-ah ‘KISS LOVES YOU VIEENA’ thuziak lian tak an pholang a, Sunday zana concert-ah Austria flag nena mawi tur ni awm tak an nih laiin, Australian flag nen an chei ta heu mai
Twitter use Ben Ngyuen an tih chuan a hmasa be ni turin a phochhuak a, an chai nghal luih luih.
Social media-ah thlalak vawrh dah niin, , nasa taka share a ni bawk.
KISS hian hemi chungchangah thil awmzia an sawichhuah thuai beisei a ni a, ‘End Of The Road’ tour an kalpui meka an chetchhiat lian tham tak hi khuh mawi tum chi a ni lem lovang.
KISS hian 2000 leh 2001 khan ‘Farewell Tour’ neiin, rimawi khawvel chawlhsan an tum thu an auchhuahpui kha a ni a, mahse an lung a leng leh deuh emaw ni dawn.. tun tumah hian an tawpkharna tak tak tur ‘End Of The Road’ chu an kalpui mek a ni.