Arunachal Pradesh khawpui, Itanagar-a Rajiv Gandhi University (RGU) thuneituten hri leng mek laka him nan hostel chhuahsan tura a tihna chu nimin khan zirlai leh research bei mekten duh lohna an lantir.
RGU thuneitute hian zirlai leh scholar-te hi COVID-19 inkai darh theihna laka him nan hostel hi chhuahsan turin a ti.
He thil hi an duh lo hle a, Rajiv Gandhi University Research Scholars Forum chuan, “Hetiang thil pawimawha thutlukna siam tur chuan university-a pawimawh tak, research scholar-te hi rawn ve awm kan ni,” tiin registrar hnenah memorandum an thehlut.
“Inzahpahna nei miah lova thu an tihtluk dan hi kan duh lo va, a chung ber atanga a hniam ber thlengin, hetianga inpalzut hi kan duh lo,” tiin RGURSF chuan an sawi.
Arunachal Pradesh-ah hian COVID-19 kai an pung leh hret hret a. RGU pawhin class kal chu May 1 atangin a titawp a ni.