Aizawl : Indian Technology Congress Association (ITCA), Bangalore-a founder mem- ber & advisory council member Dr SK Prasad-a’n nimin khan Raj Bhawan-ah Mizoram Larsap Hari Babu Kambhampati hmuin, Mizorama zirlai thiam filawr, space technology zir duh thlan leh an zir theih dan tur a sawipui.
Dr SK Prasad chuan Mizoram a tlawh chhan chu Higher secondary atanga University degree zirlaite tana Space technology zirna an kalpui mek chu Mizorama zirlaite hmelhriattir a nih thu a sawi a. Larsap leh state sorkar hotute thlawpna ngenin, a bikin science lam zirna kaihhnawiha hotute thawhpuiah a sawm.
Prime Minister hmathlir angin thalai ten space technology lama thiamna sang nei tur leh hemi kawnga India chu a hmahruaitu a nih theihna tura hmalak mek a nih thu Dr SK Prasad chuan a sawi a. Zirlai team 75 te kumina project 75 thawk zo turin Students' satellites 75 project hnuaiah satellite te chi (mini satellite) siam tura thlan an nih tur thu leh Mizorama zirlaite pawh tel theihna a inhawng thei dawn niin a sawi bawk.
Larsap chuan Mizorama zirlaite chu lehkha thiam thei tak leh hmundanga zirlaite el phaka thluak tha an nih thu Dr SK Prasad chu lo hrilhin, H&TE deptt. MZU, NIT, Polytechnics, Science & Technology deptt. leh Sci- ence Teachers Assn. of Mizoram be rawn turin thu a lo rawn a ni.