Aizawl : Kum 2021-22 chhung khan Kolasib district-ah MGNREGS hnuaiah mi 20,497 te ni 97 inhlawhna siamsak an ni a, hna 1388 an thawk. Kum kal mekah May thla thleng khan ni 21 inhlawhna siamsak tawh a a ni.
Kolasib district development monitoring & coordination committee, an chairman Lok Sabha MP C. Lalrosanga hova nimina video conferencing hmanga thutkhawmah he thu hi tarlan a ni a. Hna zawhfel tawh, hna kal mek leh hnathawh tan tur chhinchhiah hna - Geo-tagging 5900 kalpui tawh niin, Kolasib district-a Self help group 757-a member ten eizawnna ngelnghet an neih theih nan training hrang hrang pek an nih thin bakah eizawnna bultan nan Rs. nuai 1262.7 loan pekchhuah a ni tawh bawk.
Insak tanpuina, PMAY-Housing For All (Urban) atangin Kolasib, Kawnpui, Bairabi leh Vairengteah 1st installment mi 1672-in an dawng tawh a, Kawnpui leh Kolasib khaw chhungah mi 414 in 2nd installment dawng tawhin, 370 in 3rd installment an dawng tawh bawk a ni.
Pradhan Mantri Gram Sadak Yojana hnuaia Bilkhawthlir leh North Chawnpui inkar kawng leh Rengtekawn leh Builum inkar kawng siamte chu March 2022 khan zawhfel nia tarlan a ni a. PMGSY hnuaia kawng siam tur ruahmanna awmsa 5 bakah Khamrang – Hortoki, Kawnpui – Hortoki leh Kawnpui – Mualvum panna kawng siam leh thawmthat hna kalpui tura ruahmanna a awm thu tarlan a ni.
Kolasib district-a khaw 21-ah Jal Jeevan Mission atangin kum 2021-22 chhung khan in 965-ah tui connection pek a ni a. Kolasib district atangin kumin May thleng khan Oil Palm rah MT 15,300 vel hralh tawh anga chhinchhiah a ni.
Kolasib district-a Bank hrang hrang ten kumin March thleng khan MUDRA loan 1,311 an pe chhuak a. Pradhan Mantri Jan-Dhan Yojana (PMJDY)-ah 20,904, Pradhan Mantri Jeevan Jyoti Bima Yojana (PMJJBY) ah 12,266 leh Pradhan Mantri Suraksha Bima Yojana (PMSBY) ah 21,842 an pe chhuak tawh nia tarlan a ni bawk a ni.