Hun engemaw chen chhung titi tam tak a len vel hnuah Manchester United in an lakluh duh Frenkie de Jong chu an hnaih leh sawt niin a lang a, Barcelona nen a thuphungin a man turah inremna an nei.
Club pahnihte hi Euro maktaduai 65-ah an inrem a, a hnu lama pek belh tur erawh a la awm dawn. Heng avang hian inremna hi a la chiang lova, sum inhlan dan tur an tihfel a la ngai.
Kum 25 mi United manager thar Erik ten Hag-a’n tun nipui a lakluh tura a dah hmasak ber a ni a. Ten Hag hian Thawhtanni khan a club tharah pre-season training a neihpui tan.
De Jong insawnna hi United leh an fans te beisei anga a hmalam a pan loh hnuah tunah hlawhtlin lam pan turin hmasawnna a awm tan niin a lang.