Meghalaya state sorkar chuan Assam nena an inrinaah police outpost eng emaw zat an din dawn tih a puang.
Chief Minister Conrad Sangma chuan police outpost dinna tur tam tak chu sorkarin a en fel tawh tih a sawi.
Sangma hian outpost-te hi Assam-Meghalaya inrinaa hmun khih khan deuh lai bikah din a ni dawn tih a sawi a, state pahnih inbiak dan azirin a hmun hi thlan a nih tur thu a sawi bawk.
“Hmun khirh deuh laia police outpost dinna tur hi state pahnihte inbiakna azira thlan fel a ni dawn a ni,” tiin Meghalaya chief minister hian a sawi.
Sangma chuan, “Eng pawh ni sela, buaina awm lohna hmunah chuan outpost din tur hian hma lak mek a ni a. Hmun khirh deuh laia outpost siam hi buaina leh inhriat thiam loh zualna thlentu a ni thei a ni,” a ti.
Ri Bhoi district chhung, Iongkhuli khuaa chengte leh Assam police intihbuaina chungchang pawh Sangma chuan a ngaihven thu leh Assam Chief Minister Himanta Biswa Sarma nen pawh an sawi dun thu a sawi.
“Assam CM ka bia a. Buaina dang thleng zui lo se kan duh,” a ti.