June 27, 2022 khan Excise & Narcotics Department (END) leh 2nd Bn. Assam Rifles (Lakhimpur Battalion) thawk dun chuan Vaivakawn Zohnuai, MZU Road-ah Methamphetamine kg 5 leh gram 708 an man a. A neitu nia puh – Lalnunziri (36), Khawmawi, Myanmar-a khawsa nia inchhal an man bawk. Heng ruihhlote hi state pawna hralh tura tih mek a ni.
Hemi ni vek zan dar 7:50 khan Lalnunziri thurualpui, Lalkungpuii (50), Khawmawi, Myanmar, tuna Chawlhhmun, Ropaibawk-a khawsa mek nia inchhal an man bawk a. A hnen atang hian heroin gram 10 an man.
Mi mante hi The Narcotic Drugs & Psychotropic Substances Act 1985 (NDPS Act) tlawh chhanin thubuai siamsak an ni.