Aizawl district-a African Swine Fever (ASF) vanga department hriatpuia vawk suatte tana zangnadawmna pek tur chu nimin khan endik niin chhungkaw 1,069 chu pek tura pawm a ni.
District Level Coordination Committee on ASF, Aizawl District chu an chairman, Dr Lalhriatzuali Ralte, Aizawl bawrhsap hoa Mizoram State Veterinary Council Hall, Khatla-a thukhawmin Aizawl district-a ASF leng hmasaa department hriatpuia vawk suattute, sorkar laipui leh Mizoram sorkar atanga zangadawmna hmu turte an endik a, a dawngtu tur khaw 27 awmin chhungkaw 1,069 an awm a, Rs 400,68,200 sem chhuah tur an pawmpui.
Dr Lalhriatzuali Ralte chuan vawk hri hlauhawm tak darh zel tur ven nana mahni chânna tur pawh pawi ti loa mahni vulh laite suattirtute chungah lawmthu a sawi a. Tunah ASF thawh hnihna a leng leh mek a, he hri leng hi dahchah a nih theihna turin mi tinte an pawimawh vek thu a sawi.
Thutkhawmah hian Aizawl SP, 2nd Assam Rifle, AMC, Commerce &Industries, BSF, CMO (E)-te an tel a ni.