Tunhnaia hmeichhe tennis roreltu Iga Swiatek chuan kumina a chetthat a chhunzawm a. Wimbledon first round-ah straight set a chakin a zawna vawi 36 chhung a chak tawh.
World number one ni lai Swiatek hian Venus Williams record khumin hmeichhe tennis chanchin a kum zabi 21-na a chak zawn rei ber a ni a. Croatian mi qualifier Jana Fett chu 6-0 6-3 in a hneh.
Kum 21 mi Polish star hi French Open-ah a champion hnua inelna a hmachhawn leh hmasak ber a ni a. Centre Court a inkhelah hei hi a hriat theih. Nimahsela a khingpui nen inthlau hle in harsatna lian a tawk lem lo.
Kumin a grass court inkhel a hmachhawn hmasak ber a ni a, Wimbledon inbuatsaihna tournament khelh aiin a taksa chawlh hahdam tir a thlang.
“Ka la insiamrem a ni ber rih. A awlsam dawn lo tih ka hria a, chuvangin set hnih a ka chak mai thei kha ka lawm angreng.”
“Grass a ka inkhelh tlem avangin ka intah hriam thuai a ngai dawn, mahse he tournament hlutzia leh a boruak pui tak hian min ti phur a, inkhelh leh hlan ka nghakhlel tawh hle.” tiin a sawi.Raducanu a chak
Nikum Wimbledon-ah fourth round lutin khawvel tennis-ah a inlar a. US Open-ah champion zuiin a invawrh lar hnuah British number one Emma Raducanu chuan Centre Court-ah a vawikhat nan Wimbledon inkhel a hmachhawn a, hnehna a chang nghal.
Kum 19 mi hianAlison van Uytvanck lakah bul tan tha chiah lo mahse a tawp a khar tha a, 6-4 6-4 in hnehna a chang.
Second round-ah world number four ni tawh, French mi Caroline Garcia a hmachhawn leh dawn a, ani hian tualchhung mi wild card a tel Lily Miyazaki 4-6 6-1 7-6 (10-4) in a hneh.