Kan hnam nunmawi ti dazattute hrem ngam an hun
Mizote hi hnam tlawmngai, a nei lo zawkte pawh peizawna inpuitawn thin hnam kan ni a, thenawmpain a neih loh dawn aichuan mahni ta pawh pe then duh hnam kan ni a, kan pi leh pute atanga kan hnam nunmawi hian tuipuiral thlengin sawi a hlawh a, kan hnam hming pawh a mawi thin hle.
Khawvel changkang zelah hnamdang nundan tam tak kan hria a, kan chenchilh a, chu kan hnam nunmawi chu bo phah telh telh dawnin lang mah se, la kengkawh hram hram duh an la awm thin erawh chhuan tham an ni. Chawimawi pawh an phu.
Chutiang mi ni lo, hnamdang nundan hre ve nial nual, mahni sahmim puarna chauh duh mihring an awm ve bawk a, chung mite chu hrem ngam an hun hle thung.
Tunhnai thla hnih khat chhung lekin kan ramah tuialhthei a harsa a, thenawm state in tuilian leh khuarel chhiatna an tawh nasat avangin oil leh gas lakluh kawngah harsatna kan tawk deuh a, tuialhthei a black a zuarte inlarin, hmun thenkhatah phei chuan petrol litre 1 chu Rs 400/- a hralhte zu awm a!
Heng mite hi ram leh hnam hmelma an ni a, dan lova zuar an ni tawh chungin an rate in san lam a la pan deuh deuh bawk. Heng mite manchhuah leh a tul anga hrem zel hi kan tih tur hmasa chu a ni ber bawk e.