EPL club thar Fulham chuan Shakhtar Donetsk leh Israel winger Manor Solomon chu £7m sengin an lak luh theih ngei an inring a. Sporting Lisbon leh Portugal midfielder Joao Palhinha pawh £20m sengin la thei ngei turah an inngai bawk. (Mail)
Juventus chu Wales midfielder Aaron Ramsey chu chhuah zalen mai turin an inbuatsaih a, Ramsey hnenah hian €4m (£3.45m) pek mai an tum. (IBianconero.com – in Italian)
Chelsea chuan Brazil forward Raphinha manah £55m in Leeds United nen inremna an nei thei tep tawh a. Arsenal leh Barcelona te pawhin an ngaihven em em Raphinha hian Stamford Bridge pan ngei tura ngaih theih a ni ta. (Guardian)
Chelsea chuan Juventus leh Netherlands centre-back Matthijs de Ligthave lak nan £102m em em sen chu a insenso thlak lutuk deuh niin an hria a, Inter Milan leh Slovakia defender Milan Skriniar lam hawi mai an rilruk a. Skriniar hi Paris St-Germain pawhin an ngaihven ve bawk. (Mail)
He tihlai hian PSG chuan Skriniar hi mimal inremna an neihpui thei ta a. Skriniar ang tho hian Lille leh Portugal midfielder Renato Sanches leh Italy striker Gianluca Scamacca te pawh an lak luh theih hmel ta viau bawk. (Get French Football News)
Chelsea hi England forward Raheem Sterling leh Dutch defender Nathan Akehave te nen sawizawm an nih hnuin Manchester City player dang nen sawizawm an ni zui leh a. Bkues hian Ukraine international Oleksandr Zinchenko chu City atang hian lak an duh thar leh. (Mail)
Manchester United manager Erik ten Hag chuan Barcelona leh Dutch midfielder Frenkie de Jong an la lut chuan Denmark playmaker Christian Eriksen pawh an hnen pan tura a hmin theih phah ngei a beisei. (Star)