Aizawl: June ni 9-a Lawngtlai District Magistrate-in Lawngtlai khawpui chhunga dan lova tuialhthei zawrh khapna thupek a chhuah bawhzuiin Nilaini khan Enforcement Team chuan Lawngtlai khawpui chhungah dan lova petrol leh diesel zuar an awm leh awm loh an enfiah.
Enforcement Team-ah hian Sub-Deputy Commissioner H. Vanlalbiakzauva chu leader niin, Lawngtlai Police Station-a Officer-in-Charge, Legal Metrology Inspector leh Food, Civil Supplies & Consumer Affairs (FCS&CA) Inspector te chu member an ni.
Nilaini hian Lawngtlai AOC Veng leh Lawngtlai Chandmary-ah te enfiahna hi kalpui niin, dan lova tuialhthei zuar man erawh an nei lo thung.