Aizawl : Aizawl East II bialtu MLA Robert Romawia Royte-in a bial mi kumina HSLC leh HSSLC pass thar 468 te hne- nah nimin khan lawmpuina thilpek a hlan.
Aizawl East-II biala veng pasasarihah HSLC pass thar 267 leh HSSLC pass thar mi 201 an vaiin 468 an awm a. HS- SLC (Science)-a 4-na Malsawmdawngzeli, Armed Veng leh 5-na Vanlaldinpuii, Chhinga Veng te hnenah bialtu MLA chuan Laptop leh Rs 5,000 a pe a. Geology subject-a mark hmu sang ber Samuel Lalhruaitluanga leh Computer Science-a mark hmu sang ber Vanlaldinpuii, Chhinga Veng ve ve te hnenah Smartphone leh Rs. 5,000 ve ve pein, Distinction-a pass chin zirlai 97 te hnenah Rs. 5,000 theuh leh Holy Bible pe theuhin, midang 371 te hnenah Holy Bible a pe theuh bawk.
Robert Romawia Royte hian zirna ngaipawimawhin kum 2019 atang khan a bial chhunga HSLC & HSSLC pass tharte hnenah kumtin lawmpuina thil pek a hlan thin a ni.