Aizawl : Serchhip district NFBS selection committee-in chhungkuaa ei- zawngtu ber boralte sorkarin a chhawmdawlna -national family benefits scheme (NFBS)- dawng tur an thlang a. Serchhip district-ah 2021-22 atan mi 30 te hnena pek tura ruahman a ni a, dilna 41 lut atangin mi 30 chu an thlang chhuak a ni.
NFBS dawng tura thlan mi 30 te tan Rs 6,00, 000 sanction niin, Rs 20, 000 theuh pek an ni dawn a. Tanpuina hi mi pakhatin vawikhat bak a dil theih loh tih sorkar thuchhuahin a tarlang bawk.
Sorkar thuchhuahin a tarlan danin, NFBS hi kum 18-59 inkar BPL, PHH leh APY chhungkua, ration card-a hming chuang, India khua leh tui, bank account, adhaar card leh voter ID nei ten an dil thei a. Chhungkuaa eizawngtu ber boral fate chu kum tlinglo an ni tur a nih bakah khawtlang pawhin he tanpuina hi dawng tlaka an ngaih te an ni ngei tur a ni bawk a ni.