Ferdinand Marcos Jr chu Manila khawpuia Philippine president atan lak luh a ni a, Rodrigo Duterte a thlak.
Marcos chhungkuaa politics inthlahchhawng chu a kal chhunzawm leh ta a, kum 1986 khan mipuiin helna chawk chhuakin a pa hi an paih thla a ni.
A hming lema Bongbong an tih, Marcos Jr hi thla hmasa khan inthlanpuiah chiang taka thlan tlin a ni.
President kal chhuak fanu, Sara Duterte chu vice-president atan lak luh a ni bawk.
Marcos Jr hi an ram sanaa Ningani chhun lai tak (India-a zing dar 9:30)-ah National Museum-a inkhawmah lak luh a ni.
A nupui leh a fapa pathumin an tawiawm a. Indo thlawhna thlawk leh Philippine sipai chi hrang hrangin kalrem lâm an entir chu hlim takin a vai liam a ni.
President a nih hnua thu a sawi hmasak berah Philippine ram chanchina mipui rorelnaa inthlana hnehna lian ber an chan avangin mipui hnenah lawm thu a sawi.