- Thelma Nanteii Pachuau
Tlêmte kan ziak ve ang chu ka tia. Kei aia mithiam leh hre ril zâwkten a details in an lo ziak fur tawh thova. 1976 july thlaa Remna zofaten zalenna nî kan hmuh theihna atâna sul lo su tawhtu Pu Laldenga, leh Pu Lalthanhawla-te hi he nî kan hriatreng ruala kan sawi tel loh theih loh an ni.
Zofaten hun rapthlâk leh hreawm hmachhawnin zalenna shoutout (âuchhuah)puina hmasa lamte chu ka va hre phâk ve lova, a hriate thu hla ka lo bih ve zuk zuk bâk tuisik tak ngial pawh kan lo la ni lo hlauh va. Chuti chung chung chuan, Kha zalenna kawnga sûl min sut saka ZALENNA DÂR, min vuak saktute ka thinlungah an thi ngai lo thung.
Pu Lalthanhawla kha a ti ropui ka ti hlê mai a, Mizorama MoS lo pian theih nân leh zofate hnam sipaia intirh liam belh zêl tûr kha a rûk tak chuan kan phâng tawh a, vai hriata sawi ngam lah ani hek lo. hnam sipai kal zêl tûr kha a rûk taka kan chavaih tâk siah chuan. Ni 25, 1986 ah khatih lai Mnf leh Congress Party khan inremna( Confidential Agreement) a rûktêin an lo thlung dûn ta a, Confidential anih chhan pawh khi kan sawi tawh khi. Mizo tlangvâl tirh belh zêl tûr kan nei lo. Nu nau tawrhna a turu tawh mai bawk si. Kan mizo tlangvâl nun hlu tak lo chân ve reng si nên. Confidential agreement chu siam rûk loh theih loh ani. Pu Laldenga leh Pu Lalthanhawla rilru kha Zofate vênhimna kawngah an lo pawimawh hle.
Khatih lai PC Party kha Confidential Agreement ziahna a an tel ve loh chhan chu midangin an ziak tho va ka telh ve lo mai ange. An lo che khawlhkham ve det nge ni dawn!!? Khatih lai remna phuahchawp deuh mai Union Home Secy SL Khurana lo ziahpui ve ngawt kha a hlawhtling zo ta lova, Remna ní, Zalenna dâr an vaw ri zo tlat lo. A chhan ni a lang chu khatih lai sorkâr mêkte khan Pu Laldenga lo beisei ber, CM kha a kian ang, tih an lo ziah tel loh vang anih chu.
Ni e.. Zofate kan ral zêl a vai sipai laka kan kiam zêl dâwn ai chuan tiin, Pu Lalthanhawla pawh chuan an beisei ber CM nihna chu a hnampuite boral zêl ai chuan tiin phal takin a kalsan ngam ta pawh kha a ropui takzet a. CM seat a pêkte kha hnamdang ni lovin Mizo pa ngei kutah Zalenna dâr vuak anih theihna atân a hlân ta ani. A hlan mai piah-ah nasa takin zofate tawrhna rapthlâk tak lak ata an lo fihlim theihna atân sûl min sut saktu ropui ani. Mizo History ah hming dai tawh lo tûr zinga mi ani.(ka thu ziah hi min Bias châk in awm mai thei,thlei bîk nei lovin tlang takin ka sawi ani e)
Pu Laldenga CM theih ngeina kha thil tûl number one,anih miau si avângin keimahni State sorkâr kha a pawimawh ta lutuk a. A rûk thei ang bera Confidential Agreement ziak dûn thei tûra Pu Thanhawla inpêkna kha a hlu tak zet a. Pu Laldenga nên khan kha thuthlung rûk pawimawh heavy lutuk a sign pui ngamna kha a Ram leh hnam hmangaihna vânga tlâwm ral raihna ani. Hnam sipai huaisen fam tate aiin a nêp hauhvin ka hre lo.
Zofate hmalam huna khawvar kan hmuh theihna atâna nun hlântu zawng zawngte thisen chuan Zalenna Dâr a vaw ri ta ngei mai hi Remna ni pual hian lung alêng tharin an kalsan chhûngte zawng zawng kha tawrhpuina leh lawmna chibai kan han bûk nghal che u a. *When you go home tell them of us and say.. *Hringnun hlimten i hman ve nân fam khawpui ka lawi ta’nge,” tiin min chhâng ngei ang tih ka ring a ni.
He Remna Nî kan hman theihna atâna sûl min sut saktute leh nun hlu tak chân tawhtu zawng zawngte leh an chhûngkua zawng zawngte, Voh bik chibai ka bûk mawlh mawlh che u a, anmahni avâng tal pawhin i ram i hnam tân dikna leh rinawmna lo chhawm nung zêl tûrin ka han ngên nghal vek che u.