Portuguese winger Jota chuan season liamta a loan a a khelhna Scottish club Celtic-ah kum nga contract a ziak.
Celtic hian Jota insawn nghehna tur hian Benfica nen inbiakna an neih hnuah an inrem a, a man zat erawh puanzar a ni lo.
Tun season liamta khan kum 23 mi hian Celtic tan match 40 a khel a, goal 13 khungin assist 14 a nei a, Scottish Premiership leh League Cup an chawina kawnga mi tangkai a ni.
Portugal Under-21 tana vawi 18 khel tawh Jota chuan, “Season hlawhtling kan hman hnuah hetia inremna kan nei a engkim kan tifel tu kan zavai tana tha ber niin ka hria. Ka hun hman kha ka tan thil tha tak a ni a, Celtic lenzia hi ka lo hre tawh thin a, mahse club ka zawm chiah khan ka hrechiang lehzual.”
“Boruak dang temin ka inzir a, hei vang hian ka chhunzawm hi a tha ber” a ti.