SS Rajamouli kutchhuak action-drama pui tak, ‘RRR’ chu Hollywood Critics Association (HCA) award dawng thei tura nomination-a lang pha Indian film hmasa ber a ni ta a, ‘Best Picture’ category-ah a lang.
Filmstar lar NT Rama Rao Jr leh Ram Charan te channa hian ‘Top Gun: Maverick’ , ‘The Batman’ , ‘The Unbearable Weight of Massive Talent’ leh Elvis te a elpha dawn em, tih chu a hriatthuai ang.
He film hi 1920 kuma thil thleng behchhana siam niin, Rama leh Charan te hian revoluntionry hriathlawh Alluri Sitarama Raju leh Komaram Bheem te lem an chang a, British empire laka indo an puanna puitham tak mai hmuh theihin a awm.
Indian film siam tawh te ang lo takin, ‘RRR’ hian khawthlang lam audience te a hip hneh ngang mai a, a huhang a na chhunzawm hle.