Wimbledon a hmeichhe seeded number 3 hauhtu Ons Jabeur chuan round of 16 lut turin a thiamna a lantir a. Ball vuak dan hrang hrang a thiam chu hmang tangkai in hmuhnawm takin hnehna a chang.
Kum 27 mi Jabeur hian 6-2 6-3 in French tleirawl Diane Parry a hneh a. Centre Court a inkhelah hian a tir lam thunun hle in 5-0 in set khatnaah hma a hruai hman a. Mahse kum 19 mi Parry hian bei let in inkhel tawp lam a hmuhnawm hle.
Jabeur hian kum 2018 champion Angelique Kerber emaw Elise Mertens a hmachhawn leh ang.
Jabeur hi Berlin-ah tun season a grass court tournament ho zinga khelhah a champion tawh a. Wimbledon inbuatsaihnaah a chetthat avangin world rankings-ah pahnihnaah a kai sang a. Kumin a che tha tak Iga Swiatek-i’n ro a relna chu sawinghing thei tura ngaih zing ami a ni mek.
Parry hneh tur hian darkar khat leh minute 8 chauh a mamawh a, tun tournament-ah chak tura hun a mamawh rei ber tum a ni zawk a, tun kartluanin set a la hloh lo.
French tleirawl beiseiawm Parry lakah hian a hma a ball lo kal chi hrang hranga vuak dan a thiam a chhawr hle.
Seeded number 12 Jelena Ostapenko pawhin round of 16 a lut a, Romanian mi Irina-Camelia Begu 3-6 6-1 6-1 in a hneh.
Kum 2018 a Wimbledon semi-final a luh hnuah a vawikhatna atan fourth round a khelh leh hmasak ber a ni dawn.