Tripura-in engmah bawlhlo tel lova lakhuihthei a thar chhuah, ‘Queen variety pineapple’ tia an sawi chu Delhi leh Telangana kg 700 chuang a thawn chhuak.
‘Queen’ hi Organic Mission hnuaiah ram pawn lamah chuan an lo thawn chhuak fo tawh thin a, Covid-19 hripui len lai pawhin Tripura-a a chingtute chuan thawn lama buaina an neih loh nan sorkarin ngaihtuahin harsatna an nei lo.
Bangalore-a hmunpui nei, Internal Competency Center for Organic Agriculture (ICCOA) chuan Tripura sorkar nen hian inremna siamin Neermahal Organic Farmers Producers Company-in hetianga siam chawp hmanrua tel lova lakhuihthei an thar chhuah hralhna turin hma a laksak.
Mohanbhog Agriculture Sub-Division-a agriculture officer Dr Vibhas Kanti Dey leh ICCOA officer Bishwanath Chakraborty chuan Queen thawn chhuah leh hralhna tur lamah hian mawh an phur a ni.
Company pahnih, Hyderabad, Telangana-a AR4 Agro International leh Delhi-a KCS Quality Inspection Private Limited chuan heng lakhuihtheite hi Indigo Airlines puihnain an phur a ni.
A chingtute pawh an lawm hle a, anmahni hah taka an thawh chhuahte zawrhna ngaihtuah buai ngai lovin an chenna in atangin hahdam takin an hralh thei a ni a. An buaipui hah chiam ngai lovin thlawhnain state pawn lamah an phurh chhuahsak vek a ni.