YG Entertaiment tarlan danin, BlackPink hla hit, ‘DDU-DU DDU-Du’ MV chuan YouTube-ah view billion 1.9 a kai ta.
He hla hi June 15, 2019-a tihchhuah niin, November 2019 khan a vawikhan nan view billion 1 a kai tling a, heti ang zela a kal vung a nih chuan kumin chhung ngei hian view billion 2 a pel ngei dawn niin, YG Entertainment thuchhuahah a lang.
K-Pop zaithiam zingah ‘DDU-DU DDU-Du music video chungah PSY-a hla hit, ‘Gangnam Style’ chiah awm tawhin, view billion 4.4 nei tling tawh khum hi a la harsat deuh mai thei.
Hetih lai hian, BlackPink tan lawmna tur dang a la awm cheu a, an music video lar, ‘Kill This Love’ chuan view billion 1.6 nei mekin, a vung chho.
YouTube-a BlackPink official video belkhawm zawng zawng hian view billion 32 chuang a nei tling tawh. Rimawi khawvel an al hneh chho zel dawn a ang hle.