Premier League club Everton chuan an tlarhnung thawh that nan Championship a tla thla Burnley hnen atangin centre-back James Tarkowski an lalut.
Kum 29 mi hian Toffees hnenah hian kum li contract a ziak a, free transfer a insawnin tun nipui a Frank Lampard-a pawlten player an lakluh hmasak ber a ni.
Burnley a contract a neihlai hmang zo tu Tarkowski chuan, “Tum sang tak nei ka ni a, hlawhtlinna hrang hrang neih ka duh. He club-ah hian hlawhtlin ka duh avanga lo kal ka ni.” tiin a sawi.
Kum 2015 a Burnley zawmtu Tarkowski hian an tan match 219 a khel hman.