Madhya Pradesh-a BJP sorkar, Shivraj Singh Chouhan-a kaihhruai chu nimin khan minister 28 la lut belha tihlen a ni.
Tun tum hi Madhya Pradesh state cabinet tihlen a nih tum hnihna a ni tawh a. Nimina lak luh thar mi 28 zinga 20 chu cabinet minister an ni a, mi 8 chu minister of state tur an ni.
Minister tharte lak luh inkhawm hi Bhopal-a Raj Bhawan-ah neih niin Governor Anandiben Patel chuan rinawmna thu tiamtirin a la lut a, inkhawmah hian Chief Minister Chouhan leh an hruaitu dang bakah sorkar laipuia minister-te pawh an tel.
Chief Minister Chouhan hian April thla khan minister 5 la lutin a Cabinet chu a lo tilian tawh bawk.