Mizoram Super League Season 7 final luh inchuh turte a chiang tawh a. League round khelh zawh a ni a, a sang pali an chiang tawh.
Inrinni zanah tling chiang tawh Khatla TBL leh Chanmari Vikings an inkhel a, Vikings in Play In beisei turin chak ngei ngei an mamawh.
Bul tan tha hle in point 15 in hma hruai hman mahse a tawp thleng an tang tluan thei lova, 74-69 in TBL in hnehna an chang.
Chanmari Vikings tan Raymond Edward Miller Jr. chuan point 23 score in mimal ah score hnem ber mahse a team tan danglamna a tling zo lova.
Khatla TBL tan Levi Bradley Jr. chuan point 20 score in Michael Liansanga, Vanlalthazuala leh K. Lalthianghlima ten 16, 14 leh 12 an thawh.
Play In hi zanin atangin khelh tan tur a ni a, league a pakhatna leh pahnihna an inkhel anga, pathumna leh palina an inkhel ve dawn bawk.
Pakhatna leh pahnihna inkhelah pakhatna a chak chuan final an lut anga, pahnihna in hnehna a chan chuan final lut turin vawikhat a chak nawn leh a ngai ang.
3 leh 4 inkhelah a chak zawkin 1-2 inkhel a tlawm zawk an hmachhawn leh ang.