Nimin chawhma lam khan Lalmalsawmi (36), Keitum khua chu an chenna inah thia hmuh a ni a. A hmai, nghawng leh tukhum velah thih dan pangngaia thi ni lova ngaih theih tur hnuhma a awm avangin police-in thu zawhfiah atan mi pathum an la.
Keitum YMA hruaituten The Zozam Times an hrilh danin Lalmalsawmi hi nimin chawhma lam khan an inah thia hmuh a ni a, a thih danah rinhlelhawm awm thei nia a lan avangin Serchhip-a post mortem tura lak ni mah se, Serchhip lam an pan tlai deuh avangin vawiin lama post mortem a ngai dawn.
Ruang erawh Keitum lamah hawpui leh rih lovin Serchhip-a an chhung hnaite inah lumen a ni ang a, vawiina post mortem zawhah an khua, Keitum panpuiin vawiinah vek vui tura ruahman a ni.