Manchester United manager thar Erik ten Hag chuan club in tun nipuiah Cristiano Ronaldo an chhuahtir dawn a nih chuan Ajax atangin Brazil forward Antony, 22, chu a thlaktu atan lalut turin a duh. (Sunday Mirror)
Italian club Napoli chuan Ronaldo hi an ngaihven a, Portugal international hi a agent leh Chelsea co-owner thar Todd Boehly nen pawh an inbia a, Bayern Munich hnenah pawh a chhuah theih tur thu hi hriattir an ni. (The Athletic)
Manchester United chuan Arsenal in lakluh an tum Argentina centre-back Lisandro Martinez, 24, chu lak khalh tumin sum tam zawkin an ngam a, Ajax chu Pound maktaduai 38 in an dawr. (Daily Mail)
Arsenal leh Manchester United te hi Germany winger Serge Gnabry, 26, lakluh tum a intlansiak an ni bawk a, nakkum a contract hmang zo tur Bayern Munich star hi Pound maktaduai 40 velin an beisei. (Star Sunday)
England forward Raheem Sterling, 27, an chhuahtir chuan Manchester City in Gnabry lakluh hi an dah pawimawh ber ang. (The Sun)
Barcelona president Joan Laporta chuan Leeds United nen Brazil winger Raphinha chungchang an sawi tih a sawichhuak a, kum 25 mi hian an club zawm a duh tih a sawi. Hetihlai hian Chelsea in Pound maktaduai 55 in inremna an nei tawh. (Daily Mail)
Barcelona chuan Netherlands midfielder Frenkie de Jong chu hralh an tum lova, mahse kum 25 mi hi hlawh tlem zawk la turin an duh. (AS)
Chelsea full-back Marcos Alonso chu Barcelona hian lakluh an hnaih a, Spain international left-back hi Euro maktaduai 10 velin an tifel thuai dawn. (Sport)
Italian striker Andrea Belotti leh Manchester United te an inbe thut thei a, Cristiano Ronaldo chian loh avang leh Edinson Cavani a chhuah avangin kum 28 mi hi Red Devils nen an sawizawm. (Manchester Evening News)