Hollywood star Denzel Washington chu US Presidential Medal of Freedom dawng tura thlanchhuah mi 17 zingah a tel.
White House-a chawimawina neih turah hian President Joe Biden hnen atangin medal ropui tak hi a dawng ang.US Presidential Medal of Freedom hi American society, culture, politics emaw khawvel remna leh muanna atanga thawhhlawkte puala kumtina chawimawia an neih thin a ni.
Tun tuma dawng tur te zingah hian Washington hi entertainment huang atanga thlanchhuah awmchhun niin, sports lam atangin Simone Biles leh Megan Rapinoe te an tel a, ruahman dan chuan July 7 hian hlan an ni dawn a ni.
Washington hi lemchan khawvela actor, director leh producer hriatlar tak a ni a, ‘Glory’ leh ‘Malcolm X’ film atangin Oscar pahnih a dawng tawh a, nomination phei chu vawi riat a hmu tawh nghe nghe.