Aizawl: Thawhtannia Chief Minister Zoramthanga hoa Council of Ministers thukhawm chuan sorkar department hrang hrang atanga thu pawimawh ngaihtuah tura a chhawpchhuahte a pawm vek.
CM Cabinet Meeting room-a Council of Ministers thukhawm chuan GAD atanga Community Hall sak nan Mamit Dinthar-a AH & Vety Department ram chu Branch YMA tana sahthlak tura rawtna lut te, Health & Family Welfare atanga Mizoram Pharmacy Council Rules, 1997 siam tha tura rawtna te, Home Department atanga an clerical post pakhat upgrade tura rawtna te, AH&Vety Department atanga Draft Mizoram Licensing & Regulation of Private Veterinary Hospitals & Clinics Rules, 2022 chhawpchhuah te, Taxation Department atanga Mizoram Goods & Services Tax (Amendment) Bill 2022 chhawpchhuahte a pawm.
DP&AR atanga ‘The Government of Mizoram Regularization of Provisional Employees Scheme, 2020’ chu provisional employee 18 tan one time relaxation siam chu pawm a ni bawk.
Taxation Department atanga lut, Aviation Turbine Fuel atanga VAT lak chu 10% atanga 1% a tihhniam tura sorkar laipuiin a phut chu pawm a ni.
Sorkar thuchhuahin a tar lan danin India hmarchhak state zingah Mizoram leh Manipur chauh ATF atanga VAT lak chu 1% (leh a aia hniam) a la dah lo awm chhun a ni.