Lehkhabu tha chhiar leh leina hun tha a inher chhuak e
Lehkhabu chhiar tam tura infuih mawlh mawlh kan ngai a, kan hnam dinchhuah leh kalzelna turah hian lehkhabu chhiar tam chunga social media khawih tlem kan ngai hle.
Lehkhabu chhuahtute leh ziaktute beidawn rum rum chang a awm a, heti tak maia kan lehkhabuten hralh an tla lo thin hi a veiawm a, chhiar tam tura ke kan pen nasat zual hi a va tul em. Kan ziakmi hlu tak takte an beidawng hlen ang tih hlauhawm tak a ni.
Kan khawtlang nun leh kan ram nun siamtha zel tur hian lehkhabu chhiar a, kan tuichilh a tul a, lehkhabu lei leh lakkhawm kawngah kan taimak thar deuh deuh pawh a tul awm e.
Hetiang hi kan dinhmun a nih mek lai hian synod bookroom chuan hun tha a rawn herchhuah tir leh ta a, thawhlehni atang khan tun thla ni 16 thleng awh turin reduction sale a kalpui leh ta a, hei hi chhawr tangkai ngei i tum bawk teh ang u.
He reduction sale hi Mizoram puma an branch leh distribution center zawng zawng leh Churachanpur-a Synod Bookroom-ah te neih a ni a, thalai leh zirlaiten he hun tha hi kan bawhpelh lova, lehkhabu thachhiar leh lei kawnga kawng sat engtuah hman tum ngei teh ang u.