Chelsea chuan Manchester United forward Cristiano Ronaldo lakluh theih dan an ngaihtuah a, Ronaldo hian club hnenah tun nipuiah chhuah a duh thu a hriattir tawh. (The Athletic)
Kum 37 mi hian Chelsea zawm hi a hreh lova, mahse Blues lamin Portugal international hi a duh ang contract pek an inhuam leh huam loh an la inngaihtuah. (ESPN)
Barcelona president Joan Laporta leh agent Jorge Mendes te chuan Real Madrid player ropui hi La Liga a a kir leh theih dan kawng an sawi dun. (AS)
Chelsea chuan Manchester City nen England forward Raheem Sterling, 27, lakluhna turah inbiakna an nei thui tawh a, Premier League champion lai hian Pound maktaduai 50 vel an beisei. (Sky Sports)
AC Milan chuan Chelsea a khel Moroccan winger Hakim Ziyech, 29, chu loan a lakluh tumin an bei mek. (The Athletic)
Manchester United chuan Ajax club hotute inbiakna chiang zawk an neihpui a, Argentina international defender Lisandro Martinez, 24, lakluh tumin Red Devils hian Pound maktaduai 39.6 in an dawr. (Mirror)
Tottenham chuan Barcelona atangin Netherlands international forward Memphis Depay, 28, lakluh theih dan an dap a, Pound maktaduai 17 velin Spanish club in chhuah an phal. (Sport)
Spurs hian Barcelona atangin kum 27 mi France defender Clement Lenglet chu loan in an hawh fel thuai dawn. (Fabrizio Romano)
Lenglet hi nei dawn mahse Villarreal leh Spain centre-back Pau Torres, 25, chu Tottenham in lakluh an la tum tho. (Mirror)
Everton leh West Ham United chuan Chelsea atangin Albania international Armando Broja, 20, lakluh an duh a, Pound maktaduai 30 vel man a ni ang. (Daily Mail)