Ramria duty te ngaihsak kawngah thanharh a tul
Ramria duty kan sipaite hi an zahawm a, duhsak leh duat pawh an phu hle bawk. Mahse, duh angin sorkar hian a enkawl hneh tawk lo thin nia lang erawh a pawi a, ei leh in tihthatsak leh duat bik pawh an tulzia kan hriat thar a va tha em.
Tunhnai khan Aitlang, Sabual zau lama duty te chuan tui an in tur an thlifim lai a rawn darh nasa hle mai a, a panna kawng a lo harsa deuh a nih pawhin tui in tur tha supply leh pek ngun kawngah thangharh kan ngaih phah nan hmang hlauh thei ila a duhawm hle.
Congress Thalaite chuan helai hmun hi tunhnai khan an tlawh a, tui thianghlim in tur bakah water filter leh chhang eiturte pe in, a hmun hi motor a luh tlang theih loh a nih thu an sawi a, an thil kensak pawh hi a hmun thleng an pu thleng a ni.
Hetiang hi kan sipai, ramri venga duty te awmna a ni a, an tan fimkhur a ngai hle ang tih a hriat theih. Tin, sorkar mi leh sa an nih miau avangin huai taka an harsatna tawh sawi pawh a har hle ang. Chuvang chuan ngaihtuah deuhah sorkar hian nei se la, an mamawh dap khawmsak leh an harsatna tawh ang ang zawtchhuak a, tih puitlinsak kawngah pa chan chang takin thawk ngei bawk teh se.